Bidh na feartan a leanas nan cuideachadh a bhith a’ dèanamh feum den làraich-lìn seo gu h-èifeachdach:

Gleusan-riaghlaidh agus eileamaidean a ghabhas uisneachadh on mheur-chlàr. Is urrainn dhaibhsan nach bi ag uisneachadh ach a’ mheur-chlàir na clàran-taice teàrnach fhaotainn sa phrìomh chlàr-sheòlaidh. Tha Mahara an dèidh obrachadh cuideachd air so-ruigsinneachd nan gleusan-riaghlaidh airson duilleagan a chruthachadh tron mheur-chlàr.
Teacsa eadar-ròghnach tuairisgeulach airson ìomhaighean. Tha Mahara an dèidh teacsa eadar-ròghnach a sholar airson ìomhaighean leithid na feadhna a chleachdar ann an duilleagan airson susbaint fhaicinn. Tha teacsa eadar-ròghnach a-nis an cois cheanglaichean grafaigeach leithid an fhir airson dealbh profaidhl an neach-chleachdaidh a dheasachadh. Bheir seo fios do luchd-cleachdaidh leughadairean-sgrion dè as adhbhar do na ceanglaichean grafaigeach.
Bileagan cearta air ceanglaichean grafaigeach agus gleusan-riaghlaidh. Tha bileagan a-nis air putain is bogsaichean-cromaige, rud a tha cuideachail an àm a bhith a’ lìonadh fhoirmean toinnte.
Riaghladh fòcais: Ann an cuid de dhuilleagan, bidh am fòcas air a ghluasad chun na h-ath earrainn loidigich an dèidh an neach-cleachdaidh putan no ceangal sònraichte obrachadh. Leigidh seo le luchd-cleachdaidh teicneolais taice dearbhadh gu luath càit a bheil iad san duilleig agus dè an ath cheum dhaibh.
Tuairisgeulan teacsa do luchd-cleachdaidh leughadairean-sgrion. Tha taisbeanair teacsail a-nis air na tabaichean leithid na feadhna san duilleag Profaidhl, is bheir iad fios do luchd-cleachdaidh leughadairean-sgrion mun taba a tha air a thaghadh aig an àm.

Tha na feartan so-ruigsinneachd a dh’ainmichear gu h-àrd ri am faotainn san dà chuid duilleagan airson susbaint a chruthachadh is a dheasachadh agus duilleagan airson amharc air susbaint.

Mahara Accessibility Statement Aithris So-ruigsinneachd This page is part of the collection 'Accessibility statements'.

Confirm copying